Revival at Remakes!

Minsan, isa akong couch potato. Tambay sa harapan ng telebisyon at walang kurap sa panonood ng mga programa at palabas sa kwadradong kahon na may kulay at tumutunog. Dito minsan nauubos ang oras ko dahil walang tigil ang daliri ko sa pagpipindot ng mga estasyon para makanood ng mga shows.

Dito sa ating bansang pinas, may dalawang higanteng istasyon ang namamayagpag. Ang Studio 23 at RPN 9 Abs-Cbn at Gma. Syempre sila ang popular sa mamamayang pilipino kaya mula pa nung sinilang ako ay yan na ang rival channel. Bawat istasyon ay may inihahaing palabas para sa manonood. Mga pinag-iisipang maiging shows ang ipinapalabas at mga kakaibang kwento. Pero lately, di ko lubos maisip na bakit kailangang may revival ng mga old shows at remakes ng mga old seryes. Di ko magets.

Inilabas na nila ang batang si Flor de Luna. Sumayaw at gumiling na sila Marimar. Nagbenta na ng bulaklak si Rosalinda. Nagbabalik ang kambal na pinagpalit na sina Mara at Clara. Ibabalik ang Mula sa Puso at syempre ipalalabas nila ang bomba/explosion scene ni Selina(tama ba spelling). Ipinakita na ang remake ng Endless Love at Lovers in Paris.

Ano na ba ang susunod na moves ng mga tv networks? Hanggang sa revival at remakes na lang ba at di na mag-iisip ng bago? After ilang years, uulitin ba nila at ireremake ang mga shows na pumatok at kinagat ng tao?

Hindi ko maisip ang possibleng mga shows sa mga susunod na taon. Ibabalik ba nila ang Valiente at Agila sa afternoon show? Magkakaroon ba ng new cast na sexbomb sa 2017 at ireremake ang mga daisy-syete series? Magkakaroon ba ulit ng fantaseryeng Marina at Dyesabel sa 2020? Magreremake ba sila ng Boys Over Flower or Meteor garden? Hano ba hano ba. 

Imaginin nio kung by 2016 or 2021 ay biglang naisipang iremake ang mga shows na:

-Ober Da Bakod

-Home Along Da Riles

-Kirara, Ano ang Kulay ng Pag-ibig

-Kampanerang kuba

-AnnaKareNina

-Palibhasa Lalake

-Katok mga Misis

-Kristala

-Dog of Flaunders

-Daddy long Legs

-Heidi

Pero kung choice ng management ng dalawang giant networks yun, wala na tayong magagawa diba. It's either you watch it or not. Ibalik nila ang Magandang Gabi Bayan Horror specials!!!