Khanto Pick: Ghost Fighter

 

Kung isa ka sa pilipinong lumaki sa lupang sinilangan, marahil naabutan nio naman ang anime na Ghost Fighter. Aminin, makikilala nio to kasi ilang beses din inulit ulit sa telebisyon ang palabas na ito. So for today, eto ang aking ibibida.

Ghost Fighter, ito ang cartoon/anime na naging popular nung ako ay nasa elementarya pa lamang. Unang inilabas sa channel 13 kung saan kasagsagan din ng kasikatan ng mga sentai series katulad nila maskman at iba pa. Ito ay tungkol sa isang binatang lalaki na medyo pasaway sa iskul pero mabait dahil niligtas niya ang isang bata-batuta mula sa aksidente. In the end, nadedbol ang binatang lalaki na may pangalang Eugene (hindi domingo ang apelyido). Pero dahil sa kabaitan nia, binigyan siya ng chance para makabalik sa katawan niya basta hindi pa naaagnas at naililibing ang katawang lupa niya.

Syempre bida, naganap nga na makabalik sya at dito na nagsimula ang kanyang pakikipag sapalaran laban ang mga multo at halimaw dahil siya ay naging Spirit Detective ng kabilang mundo.Sa kanyang pakikipag sapalaran, nakilala nia ang magiging tropa niya na nakasama sa mga missions and tournaments. 

Heto ang mga naging friendships niya.

Alfred- Hindi Vargas ang kanyang apelyido. Siya ang isang rival ni Eugene sa school bilang isang siga-sigang estudyante. Nag-umpisa siyang makasama sa eksena ng kasama siya sa mission ni Eugene kung saan kailangang hindi mapasakamay ng masamang tao ang kapangyarihan ng matandang shaman/ master na may pangalang Jeremiah. Si Alfred ang medyo komikero sa grupo. The odd and goofey one.

Dennis- Si Dennis naman ay medyo mahiwaga kasi nung una siyang lumitaw, babae ang dating niya pero as the story progress, isa pala syang lalaki. Unang lumabas bilang kalaban na nagnakaw ng kayamanan sa mundo ng mga espirito pero di kalaunan ay naging kakampi at team mates na sya. Ang common powers nia ay nanggagaling sa halaman at bulaklak. May isa siyang alter ego, siya ay ang Taong Lobo, pero hindi yung may helium at hangin.

Vincent- Ang taong may third eye- literally. Sya ang character na nagpagawa ng sariling ikatlong mata. Dehins ko alam ano rason (limot ko na). Unang lumabas as kalaban din. Kilala siya bilang isang mamaw na mabilis kumilos. Kilala si Vincent sa powers ng kanyang Black Dragon ekek. Yung tipong tatanggalin nia ang bandage sa kamay tapos bubuka ang third eye then lulusob na ang dragon power nia.

Jericho- Hindi sya ang kapartner ni Anne Curtis sa Green Rose. Siya po ay ang anak ng tagapagbantay ng underworld. Siya ang taong tumulong kay Eugene para makabalik sa katawang lupa nito. Famous si Jericho sa kanyang Chupon o Pacifier. Another thing is lumalaki at lumilliit sya.

 

Jenny- Siya ang girlaloo at love interest ni Eugene. Siya ang kababata ng binata at ang jowaers nia sa kwento, Si Jenny ang dakilang taga-intay. Hinintay niaya na makabalik sa human world si Eugene. Ganun ang pag-ibig nia sa lalaki. Siya na ang waiting girl.

Di ko na isasama ang mga kalaban katulad nila Lazarus, Taguro, Sensui, Mokuro at Yomi dahil pahirapan humanap ng pics nila. wakokokk.

Gusto ko lang balikan ang isa sa mga anime na nagustuhan ko nung ako ay bagets pa. :D

O sha, dito na lang muna. wakokokokok. Ingats!