That Thing!

Rest day ko nanaman last wednesday at kasama ito sa mga so-so days kung saan medyo boring at walang magawa sa buhay. Pero tila may kakaiba sa boring Wednesday ko sapagkat aside sa sumasakit na ipin ay tila may kwentong beyond normal ang nangyari.

Naiinis ako at sinugapa nanaman ng aking ate ang computer at nag-reyna-reynahan nanaman sa bahay kaya ninais ko na matulog nalang kesa mas mafrustrate sa pang-aagaw nia ng spot ko. Imagine kakatapos nia lang mag facebook from 12 noon to 8pm. Sabi nia, tapos na siya so umupo ako at mag-lalaro na. Then after 5 minutes at di pa umiinit ang puwit ay biglang eextra na sisilipin niya daw ung facebook nia at baka may nagcomment. Ampotang-ina naman. Bertong badtrip ang nangyari. Napaka-feelingera na akala mo kagandahan. Natulog na lamang ako from 8pm. Then after an hour biglang eepal tapos tutulog. Ambwakanang! Sarap ingud-ngud sa kaepalan. Syempre, kailangang bait-baitan at para wala ng away at gulo, gumising nalang ako. Hinantay ko munang matapos maglaro ang aking pinsan at saka nasolo ko ang pc from 10pm.

Kalmado na ang loob ko at ineenjoy na ang pagsolo sa harap ng computer. Medyo madilim dahil tulog na ang mga pips. Solo sa sala at dun ay nakatutok sa harapan ng monitor. Medyo maghahating-gabi na pero mukang normal lang ang lahat. Then all of a sudden, while browsing the net, alone, at medyo madilim, may something na makes my buhok sa braso make tindig. Alam ko na hindi pa naman 12 midnight at di rin naman 3am na usually mga time kung saan ang mga kababalaghan ay naglipana pero something odd ang aking na feel. Kahit tutok sa tagiliran ko ang bintilador na naka full power # 3 ay may weird chills akong nadama. Hindi lamig na dulot ng ber months pero something else.

Things turns creepier dahil habang ang tunog lamang ng mga skills ng character ko ang nadirinig at ang mga sound effects ng kamatayan ng mga mamaws ay tila may kakaibang tunog ang nadinig ng aking eardrums. Hindi miyaw ng mga naglalandiang pusa ang aking narinig. Hindi ang habulan ng mga butiking hayok sa laman ng mga insektong nagkalat. Hindi ang pesteng daga na rumaraket ng makakain sa kusina. More than those. Ang alulong ng alagang aso ng kapitbahay ang naririnig ko. Ponyetang mga asong yan, sa kalaliman ng gabi ay umaalulong na ginagaya si Angel Locsin na taong lobo. Ang atungol ng dog ang nagpa-shiver sa akin.

After ng mala-Imortal na pag-ungol ng asong ewan ay back to normal na. Akala ko kalmado na ang sitwasyon at hihinto ng ang mga jeepers-creepers. While still enjoying the night ay another weird thing ang naganap. Ewan ko kung guni-guni ko lang ang lahat pero tila parang may naglalakad na transparent/translusent na bagay sa may kitchen. Actually, ilang hakbang lang ang sala sa kitchen kasi di naman malaki ang haus namin. Umandar nanaman ang malikot na utak. Mula sa mga horror things na pinanood ko ay tila naghahalucinate ako o parang anlakas ng imagination ko.

Habang nagmamatyag ang mata sa madilim na parte ng kusina ay di ko namalayang may na-click akong link mula sa mga binabasang blog (midnight driver). Pagbalik ko sa monitor ay nabigla ako sa aking nakita. That thing! Napa-watdapak at napatayo ako sa aking kinauupuan. Isang nakakapangilabot, nakakatakot at horrific thing ang tumambad sa aking eyes....

Nais ko sanang i-share ang larawan na aking nasaksihan subalit nagdesisyon nalang akong hindi ilagay dito. Sa inyong magnanais na tingnan ang larawan, mas mabuting i-click ang link sa maliwanag na silid. Mas maiging huwag buksan sa may mahihinang puso o kaya ay mag take ng gamot kontra heart atak.

PS. Ang link ay kinuha ko sa ibang website.
Click Here