Pagbabago

Nasa 487 post na ako. Konti na lang at aabot na ako sa aking 500th post. Nakakasabik. Nakakakilig. Pero bago ko ata maabot ang 500th post ko ay kailangan ng magbago ang aking blog.

Kung titingnan ko ang aking blog, mula sa design ay parang wala lang. Parang di pinag-isipan at tila bara-bara lang. Ako ay nagpopost ng kung-ano-ano lang. Walang niche, walang genre. Bland. Walang dating at walang factor. 

Naisipan kong magbago. Sisimulan ko na ang pagtatayo ng aking new blog. Ang blog kung saan magkakaroon ng certain topic. Magkakaroon na ng niche. Paghuhusayin ang desenyo. Hindi na under the personal blog category. Gagawin ko na itong pang kumikitang kabuhayan. Matatadtad na ng ads at kung anu-anung kaekekan para kumita ng datung. Mang-iispam ako sa kung saan-saan para kumita ng dolyares. Magsisimula na ang pagbabago.

Sa 107 na naging followers ng blog na ito, ako po ay lubos na nagpapasalamat. Thank you dahil pinili ninyong i-click ang follow button sa sidebar. Dun sa ibang napilitan kasi finollow ko sila, salamat din. Sa mga on lookeres at di nagpaparamdam, thanks. Gracias para sa mga palihim na nagbabasa kahit di nag-iiwan ng bakas/comments/shout sa blog. Arigato sa mga naliligaw dahil sa google. Khawp khun sa mga walang sawang nagcocomment at nag-aaksayang magbigay pansin sa aking mga post.

Sa aking paglipat sa bagong tahanan: makikiwordpress na din ako. Http://khantotantramoneymakingmachine.wordpress.com, sana ay samahan nio padin ako at magbigay dalaw kayo kahit once a week lang.

Hanggang dito na lamang po. Hanggang dito na lang ang pagpapanggap ko na lilipat talaga ako sapagkat wala akong balak iwanan ang tahanan na ito. Dito ako nagkakaroon ng enerhiya at lakas. Echos lang ang mga nasa itaas at gumawa lang ako ng April Fools post for today. Ang maniwala sa pinagsasasabi ko tiyak, skip reader. bwahahahah. Sige, ingats!