The Soul Searcher 2

Bumili ako ng ticket papuntang Bicol at nakatyempo ako ng pwesto sa bandang likuran. Habang nag-aabang pa ng ibang pasahero, kinuha ko ang aking music player at nakinig sa mga musika habang sinubukan kong ipikit ang mata.

Hinehele na ako ng tugtuging nadidinig ng maramdaman kong tila may kumakalabit sa aking balikat. Nahinto ang aking music trip at tinanggal ang isang nakabara sa aking tenga.

"Excuse me.... Pwedeng pong paurong ng konti?"

Isang malambing na tinig ang nadinig. Hinanap ng mata ko ang pinagmumulan ng mala-anghel na boses at nasilayan ko ang isang magandang babae na may maikling buhok.

Inayos ko ang pagkakaupo ko at umurong para makatabi ang magandang dilag. Ilang saglit ay nakatabi ko na sa upuan ang isang dyosa.

Ilang saglit pa ay naramdaman ko na umaandar na pala yung bus. Dahil tabi ako ng bintana, sinubukan kong doon tumingin at iwasan ang magandang mukha ng aking katabi.

Lakas ng trip ng scumbag brain ko at iba ang pumasok sa aking isipan. Ako ay nakasakay sa bus, may babaeng maganda na katabi. Bus. Bus. Bangbus! Lechegas! O God why?!

Nilabanan ko ang punyemas na demonyong sumasakop sa aking isip at nagpasya na lang akong matulog habang nasa mahaba-habang byahe papuntang Legazpi.

Habang nakapikit at nakikinig ang isang tenga sa mga tugtugin, isang kalabit muli ang aking nadama sa balikat.

"Excuse me ulit.. pwede pong pa-adjust ng aircon? Medyo ginawin kasi ako. Paki-iwas na lang po sa akin yung aircon."

Para akong sundalong napasunod agad at itinutok ko sa sarili ang aircon. Sanay naman ako kaya okay lang sa akin na nasa akin lahat ng lamig na nagmumula sa aircon ng bus.

"Okay na ba?" Tanong ko sa aking katabi matapos kong ayusing ang pagkakatutok ng aircon.

"Yep. Okay na. Salamat." Sabay isang ngiti ang isinukli sa akin ng magandang babae.

Kinilig ako ng todo! Kilig to the bones ika nga ng iba. Ngumiti din ako sabay iwas ng tingin at ngumiti ang puso ko.

Itutuloy.......