The Soul Searcher

Handa na ang ang mga gamit ko. Nakatupi na ang mga damit na aking susoutin sa mga susunod na araw. Mga tatlo hanggang apat na araw akong mawawala. Aalis sa nakakapagod na buhay. Magpapakalayo-layo ng saglit upang hanapin ang sarili. 

"Soul Search? Soul Searching? Uso pa ba yun?" Tanong ng kaibigan ko.

"Naman!" Sagot ko sa kanya.

"May pa Soul Search, soul search ka pang nalalaman e alam mo na kung asan ang soul mo". Tugon niya.

"Saan nga? Saan?" Tanong ko sa kanya.

"Di ba isinanla mo sa demonyo! Gago ka! Maiilit na ni taning yung kaluluwa mo tapos sasabihin mong mag-so-soul search ka!" Pang-aalaska ng kaibigan ko.

Di ko na lang pinansin ang kung anong shitness na ipambabanat niya at ako ay nagsimulang umalis.

*-*-

Teka, saan nga pala ako pupunta? Yan ang tanong ko sa sarili. Ewan. Di ko alam. Bahala na si batman! Sumakay ako ng jeep na papuntang cubao at doon na lamang ako magdedesisyon kung saan ako pupunta.

Makalipas ang halos isang oras na byahe papunta sa Cubao, nakarating din ako sa may sakayan ng bus. Iba-ibang destinasyon ang makikita sa mga karatula ng mga sasakyan. Mayroong papuntang norte, meron din namang papuntang timog. Meron ding papunta kung saan wala akong ka-edi-ediya kung saan ako mapapadpad.

Nakapunta na ako sa Baguio, sa Pangasinan at sa iba pa sa hilaga. Nakapamasyal na din naman ako sa mga lugar sa timog. Pinikit ko ang aking mata at humiling ng senyales kung saan ako tutungo. Pagdilat ko ng aking mata, tumambad sa akin ang karatulang Legaspi, Albay.

*-*-

Itutuloy..........