Pink Table Sequel!

Pink Table Sequel

Nang mamatay na ang lalaki naging kilala siya sa lugar at karatig bayan. Marami ang nagtaka at nagtatanong kung bakit PINK TABLE ang lagi nyang hiling.

Habang naglalakbay ang lalaki sa kalawakan, kinausap niya ang mga anghel at nakiusap. 

"Mga anghel, maaari po bang humingi ng isang pagkakataong mabuhay kahit panandalian lamang?" 

"At bakit naman? Mayroon ka bang nakalimutang 

gawin at napaglibanan?" tanong ng mga anghel.

" Hindi ko po nasagot ang katanungan ng aking ama kung bakit gustong gusto ko ng Pink Table" sagot ng lalaki.

Nag-isip ang mga anghel at tinitigan ang malungkot na mukha ng lalaki.

"Sige bumalik ka na. Ngunit 30 minutes lamang ang pwede naming ibigay sa iyo."

----------------

Nang malaman ng Tatay na makakabalik ang kanyang anak kahit saglit na panahon lamang, siya ay nag organisa ng pagdiriwang sa Araneta Colliseum na pinamagatang "Ang Dahilan..." 

Marami ang dumalo at naki usyoso. Dito masasabi mong maraming tao ang nais malaman kung bakit Pink Table ang laging hiling ng lalaki. Hanggang labas ng Araneta Colliseum ay puno ng tao.

Dumating na ang oras na pinakahihintay ng lahat, ang oras na sasabihin na ng lalaki ang dahilan kung bakit gusto niya ng Pink Table.

Umusok ang stage at biglang lumabas ang imahe ng isang lalaki na puno ng liwanag.

Nagsimula na itong magsalita ng malakas upang marinig ng lahat.

"Bumalik po ako para ipaalam ang dahilan kung bakit gusto ko ng Ping Table... (NAGHIYAWAN ANG MGA TAO AT NAGPALAKPAKAN DALA NG KALIGAYAHANG MAKITA ANG LALAKI) ...at yun po ang buong katotohan at dahilan kung bakit gustong gusto ko ng Pink na Table."

Muling umusok ang stage at naglaho ang lalaki....\

(lesson: wag excited pag may nag-eexplain) ;p

-=-=-=-=-
Ang wento sa itaas at sa nakaraang post ay napulot ko lamang sa pesbuk. :p